Term 132: سمستر الحسم .
سمستر الحسم مثل ما سميته
لان كان فيه توفل ومثل مانتو عارفين ان التوفل كان هو الفيصل ان صلح صلحت السنه التحضيريه وان فسد فسدت انت بكبرك .خلونا نمسك السمستر ماده ماده كالعاده < اوخص شعر
..Engl003:
هنا عودة الكينق Gordon McKay
كانت عوده قويه واتفاجئت وقتها كونه كان بيدرسنا الكورس كامل بدون بارتنر مثل 002 عند ابو هارينقتون, الكورس كان متعب جدا جدا, يعني ماتدري انت تلقاها من اسئلة امير مالك ولا من التوفل اللي كان عليه نسبه لا باس بها, ولان من الكتب الجامده اللي وقتها اعطونا اياها ! كان فعلا كورس متعب, لكن في نفس الوقت كان ممتع يعني اغلب اساطير كورسات الانجلش من الطلاب كانو معنا واغلبهم اصحابي, كان كلاسنا متفوق بكل المقاييس سواء من افرج كل اختبار او سبيكينق بشهادة الجميع من المحاضرين انتهى الكورس بحصولي على B+ مع 527 توفل ولكن هذا ماكان عذر مقبول اني ما اخذ 004 
.Engl004:
مع الرهيبين Antony Ellison & Nick الكورس اللي طورني 0.000000000000000000000000000000001% في الريدينق و 99.99999999999999999999999999999% فوكاب
, انطونيو كان مسلم خال وحبيته بشكل ماتتصورون كيف كان انسان رهيب بمعنى الكلمه كان يركز على الفوكاب بشكل قوي جدا وكانت له جداول يخلينا نطبعها ونعبيها كل كلاس وكانت الكلمات كلها ماخوذه من كتاب الريدينق NatGeo, اما الاخ نك كان مسلم على الاوراق بسبب زوجته الاسيويه, صار لي معاه موقف في نص الكلاس كان يتكلم عن درجة فسق الشعب السعودي بالفلوس وكيف ان اغلب الشعب غني جدا ومن هالكلام, في نص كلامه ماتحملت وفصلت عليه وبينت له ان فئه كبيره جدا من السعوديين عند خط الفقر ومن الطبقه المتوسطه حرفيا, سكت وماقدر يرد وحول الموضوع على البخل والبخشيش وليش احنا يالسعوديين مانقدر العماله, قلت له حنا نطبق البخشيش باسم الزكاه والصدقه وهذا في ديننا الاسلام ان نتصدق ونعطي المال خفيه! اتذكر انتهى الحوار بانه سكتني وقال ايه خلاص انت الصح 
. Math002
: الدكتوووووووور خالد سيفوووووالله !!!! هالانسان هذا والله العظيم مدري وش اقول عنه !!! يعني امدح او اذم او ايش بالضبط ! اكتفي بانه قلب طيب ووجه منور لكن مهايطي ويحب يطقطق, الكورس هذا اشتغلت عليه شغل مالله به عليم, اتذكر اول ميجر جبت 6/20 واغلب اللي حولي قالو خلاص بتنور الجامعه في الصيف ومن هالكلام, لكن ولله الحمد والمنه رجعت للتريند مع الميجر الثاني 20/20 وكانت مفاجئه صاعقه للدكتور خالد اللي فرح فرح شديد جدا بالدرجه وانا كذلك لانها غيرت مفهومي للاختبارات 740 درجه وصرت الحمد لله لا ارتبك ولا اخاف في الاختبارات الا ماندر .
Pe002:
مع الدكتور عبدالسلام كيناني, كل اللي اتذكره انه سال في اول كلاس من يبي احوله كلاس fitness مسائي ؟ قلت انا, وحضرت كلاسين وبعدها الى اخر الترم ماشاف وجهي وربكم حميد ماجاني DN وعطاني قريد يشق الوجه والله ما استاهله ههههههههههههههههههههه .
Physical science:
هالماده اللي مدري وش جو امها بالضبط ! الزبده اني عديتها بقريد يفشل .
Life skills:
الكورس هذا من اهم الكورسات اللي عززت ثقتي بنفسي اكثر وكان فعلا جميل جدا, عطاني الدكتور افضل اداء للبرزنتيشن ويكفيني فخر اني اعجبت الدكتور رزق الله ملكاوي الله يعطيه الصحه والعافيه, اتذكر مشروعنا كان شكرا عمال سراكو واللي سويناه اننا وزعنا عليهم هدايا بسيطه, باذن الله راح انزل كم مقطع من العروض اللي سويتها كلها سواء الفردي او الجماعي .
يوم نزول درجات التوفل كان من احلى الايام في حياتي لاني كنت نايم وانتظر الدرجه عشان اما اني اشيل اغراضي واروح لاهلي للصيفيه او اني اشيل بعض منهم عشان اجي اكمل توفل والحمد لله شلت اغراضي كلها وقضيت صيفيه ممتعه في 133.
الى ان القاكم في 141 (ترم البناء) .
ليست هناك تعليقات:
إرسال تعليق