المشاركة الأصلية كتبت بواسطة عـبـدالله الـداعـج 
Chapter II (Term 131) :
خلوني احط لكم المواد اللي نزلوها لي الجامعة الحلوه وبالمناسبه انا اخذت كورسات الانجليزي كامله عدى 000 يعني مريت ب 001 و 002 و 003 و 004
.الكورسات اللي كانت عندي كالتالي وبتكلم فيهم ماده ماده بعد الفاينل المصون باذن الله .
-----
نبدأ من اول كورس لي في الجامعه eng001 :
نزلولياه مع الاخ Mr. Hands ابو الشاي الاخضر اللي بدون سكر, انسان جدا مثقف وعنده خلفيه معلومات رهيبه ويروح الكلاس كله سوالف تاريخيه بس غثيث الله يهديه للاسلام ويجينا الاسطوره Gordon Mckay بعد الظهر معصب ليه تضيعون الكلاس سوالف هههههههههههههههههه هذا الانسان اللي يعطيني صعقه كهربائيه قبل كل كلاس يذكرنا بالتوفل وبالمستقبل انسان رائع, طبعا هذا كان اول كلاس ادخله في الجامعه ومثلكم خابر الاوريا المتحمس وقتها حضور قبل بنص ساعه وشاهي وفطور ههههههههههههههه, كان النظام كويز كل اسبوع والله لايوريكم الخوف والقمطه من الرسوب والافرج وهالخياس هههههههههههههههههههههههه !
طبعا اللي اتذكره انه كان اول كلاس دخلته في الجامعه لذلك ما اوصف لكم قد ايش كنت متحمس ومستغرب ومتعجب من الجو الجديد صراحه !
الاخ هاندز كان كلاسه ممل ويجيب النوم بشكل رهيب جدا, يعني الكلاس هادئ بشكل مقرف
لكن يجيك جوردون بعد الظهر ويشخل ام الكلاس 
.English 002:
درسته مع الروتيني البحت Jesse Harrington وفي الحقيقه كان كورس تكمله ل 001 لكن اكثر ماكان يميز هالكورس الطلاب اللي كانو معي بالكلاس ! والله كانو رهيبين الله يذكركم بالخير جميعا, اكثر ماطورته في هالكورس الرايتينق ! بصراحه المعلم هذا اسطوره في الرايتنق, المحزن في الموضوع انه طلع من الجامعه من فتره ليست بالقريبه و اتذكر كان يقول بتزوج قريب (عمره في الاربعينات) وفعلا شفت حفل زواجه في الفيسبوك.
Math001:
مع الاستاذ الكبير اكرم احمد, انسان قمه في الاخلاق والادب والحبيه, كلاسه كان ببساطه بسمله, الاهداف, الشرح, الامثله, سؤال من اختبار قديم, وصلى الله وبارك, صار لي معاه موقفين مضحكين نوعا ما, الاول اتذكر اني جيت متحمس الساعه 8 الصباح ودخلت الكلاس وجلست انتظر الكلاس يبدا, انتظر انتظر انتظر
فجأه بدو الطلاب يدخلون واحدا تلو الاخر لكن الطلاب اشكالهم غريبه اول مره اشوفهم ! طلعت ابي اشوف وش السالفه الا واشوفه جاي للمحاضره قلت له يادكتور وش صاير الاشكال متغيره علي ! ابتسم وقال اوه انت مادريت؟ قلت ايش؟ قال غيرو الشعب لكل الطلاب, طبعا انا هنا الامعاء عندي دخلت في المعده والكبد تبادل اماكن مع القلب هههههههههههههههههههههههه ! قلت كيف ومتى ووش اسوي الحين؟ قال تعال تعال داخل القاعه, دخلت وجلست سلم على الطلاب وشغل البروجكتر وقال ياشباب الساعه كم الان ؟ قالوله 8, قام يناظرني ويقول هاه فهمت؟ قلت لا! قال السسساعه كم الان ياشباب (وهو يضحك)؟ قالو 8 يا استاذ, قال هاه فهمت؟ وفجاه نزلت علي الصاعقه واكتشفت ان كلاسي الساعه 9 مو 8 !!!!!!!! واعطيها وضعية سنعود بعد قليل وافقع من الكلاس وانا اقول له معليش اسف, يوم جا كلاسي قال وش فيك انحشت؟ كان جلست وحضرتك !الموقف الثاني: كان يتكلم مع طالب وانا حسيت انه مافهم كلام الطالب, تلقفت وقلت ياستاذ تراه يقصد كذا وكذا, قال لي ترى انا اقدر اسمع واتكلم
الزبده اني عطيتها وضعية ههاخينسيتتانشائالله 
, بعد الكلاس ارسلت له ايميل اعتذار باستمارة السفينه طولا وبشنطة الفورد عرضا, ورد علي ان الامور طيبه وهو كان يبي يغير جو الكلاس على حسابي .كإختبارات اتذكر جبت باول ميجر 12/20 ومانمت ذيك الليله من الهم ههههههههههههههههههههههه, والثاني 16/20 وكنت مبسوط مره, والفاينل 30/36 اذا ماخاب ظني .
Pe001:
سكواتش مع الشيخ محمد حمدان, انسان حبيب صراحه لكن يبيع كلام كثير ويوعد ويخلف بعض الاحيان, اللعبه كانت ممتعه كثير وماقصر معانا باخر الكورس .
الوورك شوب:
كانت بالنسبه لي قسم الاحداث الله يجيرنا واياكم منه
مو اكاديميا بالعكس والله من المخيس اللي حاطينه يعلمنا, يشرح دقيقه وبعدها تقفل معه ومايقبل اي سؤال وحش في السعوديين وانهم فاسقين بالفلوس و و و ! وللاسف خلاني اكره المعلمين من الجنسيه الهنديه لفترة طويله جدا !ما ابي اكمل عشان ما اسب
.الحاسب:
مادة ماكان عندي معاها اي مشكله كانت عسل واكثر شيء كان حلو فيها انها كانت بس لاب, وكنت دايم ابهر ذاك الباكستاني الله يذكره بالخير بالاوتبوت لكل اساينمنت وكان مبسوط مره مني, مياجري كانت 13/15, 15/15, 15/15 .
الترم هذا كان صراحه مؤثر في شخصيتي من اكثر من ناحيه, تغيرت مفاهيم الصداقه + اساليب المذاكره + ترتيب الوقت + الاكل + اساليب التعامل مع الناس + التوفير + الادارة الماليه, كل هالعوامل كانت في ذاك الترم متغيره بشكل قوي جدا وحطو على الصداقه الف خط (في الاترام الجايه راح يبين كيف تغيرت هالمفاهيم عندي .
الى ان القاكم في ترم 132
.
ليست هناك تعليقات:
إرسال تعليق