18th of September 2016 - Fall 2016 - Brown Hall- 7:30 PM - Colorado School of Mines
كعادتي في حبيبتي جامعة الملك فهد للبترول والمعادن, الليالي هي وقت المذاكرة وتحديداً المباني الاكاديمية, انا في تجربة جديدة الان (التبادل الطلابي) ما اقدر اوصف شعوري في هاللحظة لاني احس بالانجاز! ممكن مايعتبر انجاز لكثير من الناس لكن بكل فخر واعتزاز اقدر اقول (I earned this) اعتقد من الظلم ان الشخص يذكر معقوات حياته وتجاربة المرة وينسى الانجازات والنتائج الجميلة! المحافظة على المعدل واجتياز اختبار التوفل بجدارة يعتبر انجاز حياتي رهيب بالنسبة لي! وهذا ملف كبير جدا افتخر بأني اضعه في مكتبة قصة حياتي في اعز واعلى رف في غرفتي.
سبحان الله, مهما تذمر الانسان من الاشياء اللي حواليه, اصدقاءه, جامعته, سيارته, لياليه! اوقاته المره, لحظاته الحزينة, نظراته لنفسة, واقصد بالنظرات هي نظرة الخيبه و احياناً نظرة الاعتزاز, نشوة الانتصار, استصغار النفس والخجل منها! يجي يوم او وقت يشتاق لها مهماً كان!
من الرغم من روعة وجمال التجربة اللي انا فيها الان, جو, جبال, طبيعة, مباني حديثة, الا اني اشتقت لأشياء كثير في السعودية, اللي ادركت الان ادراك تام ومطلق بأنها غير قابلة للتنازل مهماً حصل! خط الاحساء, عبدالعزيز, طلعات ويك اندات قبل المياجر, المذاكرة في مبنى 7 و 24 و 4, طلعات تضييع الوقت من مبنى المذاكرة الى دانكن ومن دانكن الى اقصى شرق سيهات عشان المع انوار سيارتي هههههههههههههههههه! (تتذكرها عزوز؟).
اقدر أقول الحمد لله ان باقي لي فترة في الجامعة! لانها من افضل مراحل الحياة.
مواد السمستر هذا (161) كالتالي:
PETE301: Petroleum Reservoir Engineering
الكورس ماخذه من مدرس اسمه (Luiz Zerpa) وهالدكتور ماعجبني كثير لكن الانسان طيب وحبوب وشرحه مقبول, الكورس هومووركاته حلوة ومفيدة جدا وجالس استمتع بتخصصي فيه لكن مو اكثر استمتاع من الكورس اللي بذكره بعد هذا.
PETE306: Well Test Analysis
الكورس هذا مع المدرس (Elio Dean) المدرس هذا كلمة اسطورة شوي عليه, يشرح بأبسط المفاهيم, شاب خلوق, حببني في تخصصي كثر ما أنا حابه, الكورس يتكلم عن اختبار ابار النفط, اختبار الاداء, وتحليل الضغوط اللي يمر فيها البئر, مثال بسيط: لما ننتج من بئر بترول لفترة معينة, الضغط في البئر ينقص صح ولالا؟ ولمن نوقف الانتاج ونقفل بئرنا يبدا الضغط يزيد الى حد معين, وظيفة الكورس هو انه يحلل هالفترات عن طريق سوفتوير متخصص بهالامور وبنفس الوقت يعلمنا كيف نحللها Manually ونتعلم كيف لما نرسم قرافات الضغط مع الوقت نسوي لها smoothing بحيث تسهل قرائتها وتفسيرها.
هذي الداتا للضغط والوقت اللي اشتغلت عليها بأول هوموورك وسويت لها Smoothing:
صورة للسوفتوير اللي نستخدمة في التحليل وتشوفون قدامكم تحليل لـ فترة الـ Build-up Pressure في البئر:
طبعاً هذي صورة للداتا بدون Smoothing:
وهذي بعد الـ Smoothing:
شوفوا كيف الداتا صارت ارتب من اول, وفكرة الـ Smoothing هي انك تسوي سكيب لبعض النقاط في الداتا بعد ماتسويلها اشتقاق, لان الاشتقاق يستهدف التغيرات الدقيقة في الداتا.
MATH301: Advanced Enginnering Math
مع دكتور بلجيكي وما أقدر اقول الا سقى الله ايامك يا نصر الدين تاتار! الدكتور جيد الى حد ما لكن صعب على واحد تعلم معادلات تفاضلية على يد البرفسور نصر الدين يجي يقابل هالافدغ, ميجرنا قريب ولا بدا بمتيريل 301 الحقيقي وجالس يراجع ماث001 وماث102 وماث202, عموما (اتمنى اكون على خطأ).
ME311: Fluid Mechanics
كسابقتها الثيرمو! كورس ممتع وحبيته بشكل جدا كبير وميجري بعد كم يوم واوعدكم بفل مارك ان شاء الله! مع الدكتور الفكاهي Sullivan كلاسه عبارة عن مسرحية طارق العلي هههههههههههههههه اوافيكم بأخبار هالكورس مع حلقة ترم 161.
بس! هذي الاربع كورسات اللي اخذتها! 12 ساعة.
البعض يسأل ليش اخذت 14 ساعة ومانزلت 21 ساعه زي بعض الناس؟
الجواب: بكل صراحة وصدق, انا انسان جيت امريكا ابي استمتع واغير جو واتقن مواد تخصصي, ماجيت العب واستهبل واطلع بـ C بكل المواد وامشي! عندي طال عمرك مادتين تخصص ماهي صعبات كثير وفي متناول اليد, وعد ووعد الحر دين اني ما اهملهم واحاول بشتى الطرق وقصارى الجهد اني اطلع منهم بـ A+ مع انها ماراح تدخل معدلي الا اني باخذ الترانسكربت من جامعتهم واعلقه بغرفتي, وماث 301 باذن الله ابدا ابدع فيه اذا اتضحت ملامح المنهج لاني ما اشوف 301 ابدا! والفلويد طبعا مادة من التخصص المفضل عندي الميكانيكال واللي كنت بحول له لولا غرامي وعشقي للبتروليوم, كل شيء بيكون بيرفكت بعد توفيق الله.
فلو تلاحظ تشوف اني جامع بين الفله وبين اتقان المواد, مانزلت 21 ولا 9, اخذت الافرج 12 واعتقد انه خيار جداً ممتاز.
خبر:
بما اني 40% بتأخر ترم واتخرج 181, قررت اني اخذ ماينر ماث واخترت مواد ولله الحمد وباذن الله اخلي الموضوع رسمي اول ما اوصل الجامعة 162.
ماينر ماث: تخصص رياضيات فرعي بالاضافة الى هندسة البترول.
الى ذلك الحين, دمتم سالمين!
Twitter: Eng3b
Youtube: كـنـسـل Cancel-09
السلام عليكم يالله حي ابو عابد ياهلا ومسهلا ،، الحقيقة ما اتوقع تعرفني من اسمي ولكن معك سميّك عبدالله الوهيد :)
ردحذفالحقيقة يقولون مدح الرجال في وجهه مذمة ، لقصد آخر ، ولكن أنا هنا ليس لذلك القصد وإنما لصدق في حديثي ،،
لا أزال أتذكر الترم الثاني من الأوريا الفترة ما بين الميجر الأول والميجر الثاني لمادة الرياضيات 102 اذكرك وأذكر حالك بعد أختبار الميجر الأول كنت محطم حقيقة وفيك ألم من النتيجة ولكن كنت تحمل بنفس الوقت قوة كامنة عجيبة ! كانت غير طبيعية وامتزجت روحك بين شعورين متضادين اثمر أيّ اثمار قابلتك حينها و كزميل لي في تلك الفترة شددت من عزمك وشديت على اشرعة مركبتك وقلت لك الميجر الثاني تعوضها يابوعابد! ثم مضيت حينها والحقيقة ماكنت على تفائلي أني اتصور اللي حققته أنت في الميجر الثاني أبداً أبداً أبداً كانت مفاجأة عظيمة لي والحقيقة أني سمعت الكثير من القصص ومثل ( الخيل الاصيله ماتسبق الا تالي ) لكن انت كنت مثالاً حي أرويه إلى هذا اليوم كل من قابلت . ياذيبان بعد الميجر الثاني جيت أسألك كم جبت ؟ والصدز انك صدمتن قلت لي بالحرف الواحد (فل مارك!) حقيقة أني ذهلت ليس استنقاص لا حاشا لله ، ولكن حالتك قبلها كانت مضطربة وأنا حقيقة لم أكن أعرفك جيداً ولكني تأكدت بعدها أنك جبل أمام هبوب رياح كثيرة مؤلمة ولم تهتز للحظة! . موقف لن أنساه حقيقة ماحييت أيضاً اعطيتني دفعة عظيييمة! لكل مادة أخذتها بعدها ، شكراً لك 3>
اسعدك الله في الدارين الاولى والاخره على هالكلام اللي ما استحقه.
حذفاشتقت لك يا عبدالله اتمنى تتواصل معي قريب.