Chapter I (التقديمات):
ايييوه
, اتذكر الايام هذي مزبوط وربي انها فعلا كانت ايام جميله وايام حصاد بمعنى الكلمه, كانت درجاتي في القدرات والتحصيلي كويسه وتشفع لي بالقبول بالجامعه, كان وقتها اسوي فيها اني مو ضامن وكذا وقامط ومن داخل كنت ادري اني بنقبل > هيوان والله هيوان 
.التحصيلي اختبار واحد لذلك مابي ابربر به, القدرات هي اللي قبصتني قبص ربكم اعلم به
, اول اختبار دخلت مذاكر مذاكرة تسليكيه وجبت 72 
ودخلت الثاني بنفس مستوى التسليك قاتل الله Mw2 وجبت 75, بعدها قلت يولد شكل مافيه لا بترول ولا بنزين 
جلست صيفيه كامله اشتغل على القدرات والحمد لله جبت 85 واللي اتذكره اني كسرت طبلون واحد من العيال عنده النترا وقلت خلاص مابي ادخل الاختبار الرابع لكن رحت دخلته طقطقه وجبت 90 كيف لا تسالني 
الزبده اللي اتذكره برضه ان الاسكريم اللي كنت اكله في ماك طاح بالارض الله يتوب علي والله اني كنت مشتهيه .الجهات اللي قدمت عليها كثير اتوقع كان باقي الحفيز وبنده ماقدمت عليهم
لا والله امزح 
قدمت على الجهات التاليه:1. جامعة الملك فهد للبترول والمعادن ابووووي والله الحب.
2. جامعة الملك سعود بالرياض.
3. برنامج ارامكو للابتعاث CPC.
قبلت فيها جميعاً عدى ارامكو عطوني تخصص مريض في دوله امرض وصرفت النظر عنهم ولعلها خيره.
طبعاً انتهت علاقتي مع ارامكو في منتصف دراستي في اول ربع في السنه التحضيريه وانا جالس في كلاس انجلش 001 سمعت هزه من جوالي BlackBerry bold 9900 الابيض اللي بعته < شوي وبيقول السعر
تم رفضك لانك سحبت علينا ولا عطيتنا علمك الغانم طال عمرك.وصلني خبر قبولي ورسالة القبول في البترول في يوم والله مدري وش هو ذاك اليوم اللي اتذكره اني جايب عمال لبيتنا ووصلتني الرساله تحت الشمس الحارقه في حوش بيتنا ولا تشوفون وجهي وقتها خدودي وصلت بلوتو في فضاه
.الرد الجاي ترم 131 اول ترم لي في الجامعه ووالله العظيم انه ترم لا يقل متعه وذكريات دميله < اما دميله مامسحتها لاني فقعت ضحك عليها
, المهم نكمل, ذكريات دميله < والله اني كتبتها مره ثانيه هههههههههههههههههههههههههههههههههههههههههههه, ذكرررررريات جججججججميله عن الاترام اللي بعدها باستثناء 143 .
ليست هناك تعليقات:
إرسال تعليق